"Атлетико"нинг Польша терма жамоаси футболчиси Мэтти Кэшга қизиқиши январь ойида маълум бўлганди. Кейинчалик Фабрицио Романо Кэшни "матрасчилар" ҳимоянинг ўнг томонини мустаҳкамлашнинг асосий варианти сифатида кўраётгани ҳақидаги маълумотни тасдиқлади.
Sunsport хабарига кўра, "Атлетико" мавсум охирида Кешни сотиб олишни кўриб чиқади. 24 ёшли футболчи учун бошқа клублар ҳам таклиф билдираётган бўлса, трансфер 30-40 миллион фунтга тушиши мумкин.
Мэтти Кеш жорий мавсумда "Астон Вилла" сафида 28 та ўйинда майдонга тушиб, 3 та гол ва 3 та голли узатмага муаллифлик қилган.
