"Atletiko"ning Polsha terma jamoasi futbolchisi Metti Keshga qiziqishi yanvar oyida ma’lum bo‘lgandi. Keyinchalik Fabrisio Romano Keshni "matraschilar" himoyaning o‘ng tomonini mustahkamlashning asosiy varianti sifatida ko‘rayotgani haqidagi ma’lumotni tasdiqladi.

Sunsport xabariga ko‘ra, "Atletiko" mavsum oxirida Keshni sotib olishni ko‘rib chiqadi. 24 yoshli futbolchi uchun boshqa klublar ham taklif bildirayotgan bo‘lsa, transfer 30-40 million funtga tushishi mumkin.

Metti Kesh joriy mavsumda "Aston Villa" safida 28 ta o‘yinda maydonga tushib, 3 ta gol va 3 ta golli uzatmaga mualliflik qilgan.