"Ювентус" ҳимоячи Маттиа Де Шильо билан шартномани узайтирмоқчи. Келаси ҳафтада Турин клуби раҳбарияти 29 ёшли футболчининг агенти билан учрашади, деб ёзади журналист Николо Скира.
Янги шартнома муддати 2025 йилгача мўлжалланган. Унга кўра, Де Шильонинг маоши йилига 2 миллион еврони ташкил қилади.
2021/22 йилги мавсумда ҳимоячи “Ювентус” сафида 23 та ўйинда майдонга тушиб, 1 та гол ва 2 та голли узатмага муаллифлик қилган.
Футболчининг амалдаги шартномаси 2022 йилнинг июнь ойи охиригача амал қилади.
