Про-лига 3-туридан ўрин олган "Зомин" - "Шўртан" (2:1) жамоалари ўртасидаги ўйиндан кейин мезбонлар бош мураббийи Асқар Умаров журналистлар томонидан берилган саволларга жавоб берди.

- Албатта бугунги ғалаба билан мухлисларни табриклайман. “Зомин” жамоасига мухлислик қилган, бизни қўллаб-қувватлаган ишқибозларга раҳмат. “Зомин” жамоаси албатта мухлислар учун ўйнайди.

Ўйин туғрисида гапирадиган бўлсак, бугунги ўйин жанговор бўлди. Майдонимиз ўйин холатига тўғри келмади, лекин йигитларимиз меҳнат қилиб ғалабани қўлга киритди.

“Шўртан” жамоасини Супелигага чиқиши имконияти кенг. “Шўртан” профессионал даражасига етган клублардан бири ҳисоланади. Жамоани Асрор Алиқулов яхши шакллантирган. Майдонда жамоани кўрдик чиройли, ҳужумкор ўйин кўрсатди. Суперлигага чиқишда “Шўртан” жамоасига омад тилаймиз.