Россиялик мутахассис Александр Аверянов мураббийлигида XXI миллий чемпионатимизни бошлаган "Андижон" футбол клуби мағлубият гирдобидан чиқа олмай қолди.
Жамоа бугун Олий лига 5-тури доирасида Қаршидаги Марказий стадионда "Насаф"га қарши саф тортди. Бир қарашда тенг курашлар остида кечаётгандек тассурот уйғотган учрашувда андижонликлар дарвозаси тўрт марта ишғол этилди.
Майдон эгаларидан Шуҳрат Мирхолдиршоев 18-дақиқада пенальтидан ҳисобни очган бўлса-да, танаффусгача мухлислар бошқа гол кўришмади.
Иккинчи бўлимда легионерлар асосий планга чиқиб ҳисобнинг йирик кўриниш олишини таъминладилар.
ОЛИЙ ЛИГА-2012. 5-ТУР
НАСАФ (Қарши) – АНДИЖОН 4:0 (1:0)
Голлар: Шуҳрат Мирхолдиршоев (18-пен.), Артур Геворкян (47), Иван Бошкович (71), Андрей Переплёткин (90).
Насаф: М.Зуҳуров, Ш.Аъзамов, М.Каримов, Б.Қораев, А.Переплёткин, А.Геворкян (М.Камолов, 87), Ф.Мусаев (С.Неъматов, 81), И.Бошкович, Э.Бойматов, Ш.Мирхолдиршоев (К.Тўраев, 64), Б.Малишич
Андижон: Д.Мамаюсупов, А.Исаев (Р.Аъзамов, 80), Г.Тадас, А.Тўҳтасинов, В.Шишелов, А.Раҳимов, А.Жўрабоев, С.Тўрақулов (А.Ғуломхўжаев, 44), И.Ибрагимов, И.Маматказин, А.Жўраев
Огоҳлантириш: А.Исаев (77)
