«Сўғдиёна-W» аёллар клубининг грузиялик ярим ҳимоячиси Натия Данелия Ўзбекистон суперкубоги доирасида бўлиб ўтган "Бунёдкор-W"га қарши ўйин (3:0) борасида ўз фикрини билдириб ўтди.

"Авваламбор, жиззахликлар таркибига келиб қўшилганимдан хурсанд эканимни таъкидламоқчи эдим. Ички муҳит аъло даражада. Мени жуда ҳам яхши кутиб олишди. Жамоа олдига ҳар бир беллашувда зафар қучиш вазифаси юклатилган. Мураббийимиз ҳам доим ҳужумга ўтишимизни талаб қилади. Менга эса бундай ўйин услуби ёқади. Бугун ғалаба қозонганимиздан бахтиёрман.

Ўзбекистон Олий лигасининг даражаси менга маъқул келмоқда. Грузияда асосан ёш футболчилар ўйнайди ва кейинчалик улар легионерга айланишади. Бу ерда эса асосан тажрибали рақибаларга қарши тўп тепишга тўғри келмоқда", — деди грузиялик легионер.