«So‘g‘diyona-W» ayollar klubining gruziyalik yarim himoyachisi Natiya Daneliya O‘zbekiston superkubogi doirasida bo‘lib o‘tgan "Bunyodkor-W"ga qarshi o‘yin (3:0) borasida o‘z fikrini bildirib o‘tdi.

"Avvalambor, jizzaxliklar tarkibiga kelib qo‘shilganimdan xursand ekanimni ta’kidlamoqchi edim. Ichki muhit a’lo darajada. Meni juda ham yaxshi kutib olishdi. Jamoa oldiga har bir bellashuvda zafar quchish vazifasi yuklatilgan. Murabbiyimiz ham doim hujumga o‘tishimizni talab qiladi. Menga esa bunday o‘yin uslubi yoqadi. Bugun g‘alaba qozonganimizdan baxtiyorman.

O‘zbekiston Oliy ligasining darajasi menga ma’qul kelmoqda. Gruziyada asosan yosh futbolchilar o‘ynaydi va keyinchalik ular legionerga aylanishadi. Bu yerda esa asosan tajribali raqibalarga qarshi to‘p tepishga to‘g‘ri kelmoqda", — dedi gruziyalik legioner.