«Portu» markaziy yarim himoyachisi Viktor Froxoldt faoliyatini Ispaniyada davom ettirishi mumkin. «Real» 20 yoshli daniyalik futbolchini o‘z safiga qo‘shib olish imkoniyatini ko‘rib chiqmoqda.

Jurnalist Ben Fernandes Santos ma’lumotiga ko‘ra, Froxoldt Madrid klubi bosh murabbiyi Joze Mourinyuga juda yoqadi. Portugaliyalik mutaxassis yosh yarim himoyachining imkoniyatlarini yuqori baholaydi va uni jamoasida ko‘rishni istamoqda.

Ayni paytda «Real» Froxoldtni diqqat bilan kuzatib bormoqda va yozgi transfer oynasi yopilguniga qadar kelishuvni amalga oshirish imkoniyatlarini o‘rganmoqda.

Froxoldtning «Portu» bilan amaldagi shartnomasi 2030 yil 30 iyunga qadar mo‘ljallangan. Kelishuvda futbolchining tovon puli 85 million yevro qilib belgilangan.

Daniyalik yarim himoyachi «Portu» safiga 2025 yil yozida «Kopengagen»dan kelib qo‘shilgan.