Маурисио Почеттино «ПСЖ» бош мураббийлигидаги 14-мағлубиятини қабул қилиб олди.

Бугун парижликлар Лига 1нинг 29-турида «Монако»га йирик ҳисобда мағлуб бўлишди (0:3).

Умуман олганда, Почеттино жамоа билан 75 та ўйин ўтказиб, уларнинг 18,7 фоизида ютқазган. Бу Антуан Комбуаредан бери ишлаган барча клуб мураббийлари орасидаги энг ёмон натижа ҳисобланади. 2009 йилдан 2011 йилгача у барча ўйинларнинг 21,4 фоизида мағлуб бўлган эди.

Комбуаредан кейин «ПСЖ»ни Карло Анчелотти, Лоран Блан, Унаи Эмери, Томас Тухель бошқарган. Почеттино жамоада 2021 йилнинг январидан бери ишлаб келади.