"Ньюкасл" "Наполи"га ҳужумчи Виктор Осимхен бўйича янги таклиф тайёрламоқда, дея хабар беради Николо Скира.
Январь ойида неаполликлар ўз футболчисини 70 миллион еврога сотишдан бош тортганди. Шунга қарамай, инглиз клуби яна 23 ёшли нигерияликни қўлга киритишга уриниб кўради.
Маълумот учун, Осимхеннинг "Наполи" билан шартномаси 2025 йилнинг июнигача мўлжалланган. Неаполликлар футболчини йўқотишни истамаяпти ва унга маошини оширган ҳолда янги шартнома таклиф қилишлари мумкин.
Жорий мавсумда ҳужумчи барча турнирларда 25 та ўйин ўтказиб, 15 та гол ва 4 та голли узатмани амалга оширган.
