«Наполи» ҳужумкор ярим ҳимоячиси Элиф Элмас Миланнинг икки топ-клуби қизиқиш доирасига тушган.
Элмас бир неча йил олдин «нерадзуррилар» лагерига кўчиб ўтиши мумкин эди, аммо «Наполи»га ўтишга қарор қилди.
«Милан» Франк Кессининг кетиши туфайли ярим ҳимояда янги вариантларни қидирмоқда. Marca хабарига кўра, клуб «Наполи»га қўшимча тўловларсиз Элмасни Ребичга алмаштиришни таклиф қилишга тайёр, аммо бу вариант неаполликлар талабига тўғри келмайди.
Элиф Элмас жорий мавсум «Наполи» сафида 39 та ўйинда майдонга тушиб, 6 та гол ва 6 та голли узатмага муаллифлик қилган.
