«Марсел»да ижара асосида ўйнаётган ҳимоячи Уильям Салиба тез орада «Арсенал» билан келажаги ҳақида гаплашиб олади.
20 ёшли футболчи «Марсел»да ажойиб ўйинлар ўтказди, бунинг учун у аллақачон Франция терма жамоасига илк чақирувини олди. Бироқ футболчининг «Арсенал»даги келажаги ҳали ҳам ноаниқ.
Лондон клуби ҳозирча француз вакиллари билан вазиятни муҳокама қилмаган, бироқ томонлар яқин ҳафталарда учрашиб, келажак режаларини муҳокама қилишади.
Уильям Салиба жорий мавсум «Марсель» сафида 40 та ўйинда майдонга тушди.
