Footmercato журналисти Себастьян Дениснинг хабарига кўра, "Лион" "Челси"дан ижарага олинган ҳимоячи Эмерсонни сотиб ололмайди.
Манбага кўра, француз клуби 27 ёшли бразилияликнинг маошини тўлай олмайди, бундан ташқари, футболчининг ўзи ҳам жамоада қолишни истамаяпти.
"Лион" аллақачон Эмерсоннинг ўрнига арзонроқ футболчи қидиришни бошлаган.
2021/22-йилги мавсумда ҳимоячи “Лион” сафида 29 та ўйинда майдонга тушиб, 1 та гол урди ва 2 та голли узатмани амалга оширди.
Transfermarkt.com портали футболчининг нархини 14 миллион еврога баҳоламоқда.
