Англия премьер-лигасида энг кўп маош олувчи футболчилар рейтинги эълон қилинди.

Унга кўра, Криштиану Роналду энг кўп маош олаётган ўйинчи экани маълум бўлди. «Манчестер Юнайтед» ҳужумчисининг бир ойлик маош 2,63 млн еврога тенг, дея хабар тарқатди "L’Equipe" нашри.

Иккинчи поғонани «Манчестер Сити» ярим ҳимоячиси Кевин де Брюйне банд этди. Бельгиялик футболчининг ойлик маоши 2,06 млн еврони ташкил этади.

Кучли бешликнинг қолган футболчилари эса «МЮ» аъзоларидан иборат бўлди. Дарвозабон Давид Де Хеа (1,93 млн евро), ярим ҳимоячи Жейдон Санчо (1,85 млн евро) ва ҳимоячи Рафаэль Варан (1,62 млн евро) кейинги поғоналарда қайд этилишди.