«Милан» ҳужумчиси Златан Ибраҳимович фаолиятини якунлаш ҳақида ўйлаганида ваҳима тушишини тан олди.
«Фаолиятимни тугатиш ҳақида ўйлаганимда бироз ваҳимага тушиб қоламан. Албатта, керакли натижани қўлга киритиб, мароқли ҳордиқ чиқарсам, имкон қадар ўйнашда давом этаман. Фаолиятимни афсусланмасдан якунламоқчиман, шунинг учун вақтимдан унумли фойдаланишим керак», - дея Ибраҳимовичнинг сўзларидан иқтибос келтирмоқда Football Italia.
40 ёшли швециялик ҳужумчи жорий мавсумда ўн саккизта ўйинда майдонга тушиб, саккизта гол урди ва иккита голли узатмани амалга оширди.
