Football-observatory.com портали дунёнинг турли чемпионатларида мураббийлар ўз лавозимида ўртача қанча вақт давомида ишлашини таҳлил қилиб чиқди. Бунда дунёнинг 90та чемпионати таҳлил қилинди.
Манба кўра, Ўзбекистон Суперлигаси мураббийлар учун энг яхши чемпионатлардан бири бўлиб, мутахассис ўзбек клубида ўртача 681 кун фаолият юритар экан. Бу эса рейтингда 15-поғонани англатади. Осиё минтақасида эса мазкур кўрсаткич Вьетнам (747 кун) ва Гонконг (742 кун) чемпионатларидан сўнг 3-натижа ҳисобланади.
Таҳлилларга кўра, Ўзбекистон чемпионатида мураббийлар 33% ҳолатда 2 йилдан кўпроқ ишлашган бўлса, яна шунча ҳолатда 6 ойдан кам ишлашган. Яна 33% вазиятда эса мутахассислар клубларимиз бошқарувида 6 ойдан 2 йилгача бўлган муддатда фаолият юритишган.
Мутахассислар учун энг яхши чемпионат сифатида Шимолий Ирландия Премьершипи эътироф этилди. Унда мураббийлар ўртача 1563 кун давомида ишлашар экан. Иккинчи ўринни Уэльс, учинчи поғонани эса Озарбойжон чемпионатлари эгаллашди.
