Бугун Украина пойтахтида Евро-2012 чипталарининг расмий таништирув маросими ўтказилди.
Чиптанинг асосий фони бинафшаранг. Унда гул ва учрашувнинг таритиб рақами кўрсатилган турнир тимсоли тасвирланган. Гулнинг икки баргида учрашув қатнашчилари бўлган икки давлатнинг байроқлари тасвирланган.
Бу ерда ўйинни қабул қиладиган стадион, унга кириш ва жойлашиш ҳақида маълумотлар жойлашган. Чиптанинг ҳимоя элементлари унинг орқа томонига жойлаштирилган, дея хабар беради "Украина-2012" Ахборот маркази расмий сайти.
Чипта олти-етти ҳимоя қатламидан иборат . Улардан асосийлари голограмма ва махсус тартиб коди. Яна бир неча ҳимоя элементларини стадионларда хизмат қиладиган стюардларгина билидилар.
Эслатиб ўтамиз, Евро-2012 8 июндан 1 июль давомида Польша ва Украинада бўлиб ўтади.
