Футболчига яқин манбага кўра, Англия терма жамоасининг собиқ футболчиси Жермейн Дефо бутсаларини михга илиш арафасида.

39 ёшли ҳужумчи ҳозирда "Сандерленд"да тўп тепмоқда. Футболчининг клуб билан шартномаси мавсум охирида тугайди. Дефога яқин бўлган манба: "У ўзининг ажойиб фаолиятига нуқта қўйишга тайёр", деди.

Дефо Англия терма жамоаси сафида 50 дан ортиқ ўйин ўтказиб, 20 та гол урган. У Премьер-лига тўпурарлари рўйхатида 9-ўринни эгаллаб турибди.

Дефо “Тоттенхэм” сафида 362 та ўйинда майдонга тушиб, 143 та гол урди ва 32 та голли узатмани амалга оширган.