Кеча, Англиянинг Ковентри шаҳрида Лондонда бўлиб ўтадиган Олимпиаданинг сўнгги йўлланмаси ўйналди. Бу йўлда олимпиячиларимизни доғда қолдирган уммонликлар Африка вакилига қарши майдонга тушдилар.
Сенегал олимпия терма жамоаси ушбу ўйинда ишончли ҳаракат қилди ва ғалабага эришди. Ўйиннинг 2-дақиқасидаёқ, "Осасуна" футболчиси Иброҳим Балде жарима тўпидан етказилган тўпни боши билан дарвозага йўллади ва ҳисобни очди.
Иккинчи гол эса ўйин охирларида киритилди. Абдулае Сане захирадана майдонга чиқиб, 2 дақиқа ўтар ўтмас гол муаллифига айланди ва Сенегалга Лондон йўлланмасини тақдим этди.
СЕНЕГАЛ - УММОН 2:0
Голлар: Балде (2), Сане (85)
