"Челси" ҳимоячиси Гари Кейҳилл "Барселона"га қарши ўтадиган ЕЧЛ ярим финал ўйини ҳақида ўз фикрлари билан ўртоқлашди.
"Биринчи учрашувда омад биз томонда бўлди. Лекин биз ҳимояда ҳам яхши ўйнадик ва диққатимизни максимал даражада жамлай олдик, шу сабабли ўз ниятимизга етдик.
Ўша ўйинимизни яна бир бор такрорлашимиз керак. Мен илгари "Камп Ноу"да ўйнамаганман. Болаларнинг айтишича, бу жуда катта арена эмиш. Нима ҳам дердим, мана шундай катта ареналарда ўйнаш бўйича ҳам тажрибам ортадиган бўлди.
Биламиз, бизни жуда қийин ўйин кутиб турибди. Бизга фантастик ўйинчилар қаршилик қилишади. Лекин биз Барселонага битта мақсад билан келганмиз — бошлаб қўйган ишимизни ниҳоясига етказиш", – дея Кейҳилл сўзларидан иқтибос келтирмоқда AFP.
