"Манчестер Юнайтед" ярим ҳимоячиси Поль Погба Моуриньо билан "қизил иблислар" сафида бирга ишлаган пайтларини эслади.
"Биз жуда катта маблағ ишлаб топамиз, шу сабабдан нолишга ҳаққимиз йўқ. Аммо бизнинг ҳаётимизда оддий инсонларда бўлмайдиган ҳолатлар учраб туради.
Жозе "Манчестер Юнайтед"ни бошқариб турган вақтда менда депрессия бўларди. Доим ҳам катта маош бизни бахтли қилиб қўймайди. Ўшанда мен ҳақ бўлганманми ёки айбдор, доимо шу саволга жавоб топишга ҳаракат қиламан", - деди франциялик футболчи.