"Челси" ҳимоячиси Антонио Рюдигернинг клуб биан шартномаси якунига етаётган бўлса-да, ёзда бошқа жамоага текинга ўтмайди.
Express нашри хабарига кўра, немис футболчиси "Стемфорд Бриж"ни тарк этишга тайёргарлик кўраётган бир пайтда, Рюдигернинг вакиллари янги клублар билан музокаралар чоғида 30 миллион евро миқдорида бонус талаб қилишмоқда.
Футболчининг янги клубига текинга боришини инобатга олган марказий ҳимоячининг атрофидагилар ўз мижози ортидан фойда кўришга ҳаракат қилмоқда.
Немис футболчиси учун асосий даъвогар "Манчестер Юнайтед" бўлиб қолмоқда, аммо "Олд Траффорд" эгалари футболчининг катта маошини инобатга олган ҳолда бунча пул тўлашга тайёрми ёки йўқми, ҳозирча хабар қилинмаган. Шунингдек, "Реал Мадрид", "Ювентус" ва "Бавария" ҳам вазиятни кузатиб боришмоқда.
