«Милан» апрель ойи сўнгида ҳужумчи Златан Ибраҳимович билан янги шартнома борасида музокара бошлайди. Томонлар келишувни бир йилга узайтириш масаласини кўриб чиқишади.
Журналист Николо Скира тарқатган хабарга кўра, "россонери" 40 ёшли футболчига 2,5 миллион евро маош таклиф қилмоқчи. Швециялик футболчининг айни пайтдаги маоши 7 миллион евро эканини инобатга олсак, унинг йиллик маоши деярли 3 баравар камаяди.
Ибраҳимович жорий мавсумда 22та ўйинда майдонга тушиб, 8 гол ва 2 ассист муаллифига айланди.