«Ювентус» «Атлетико Мадрид» ҳужумчиси Алваро Моратанининг шартномасида белгиланган сотиб нархини пасайтирмоқчи.
АS хабарига кўра, шартномада 35 миллион евро миқдори белгиланган. Бироқ, «Ювентус» сезиларли чегирма талаб қилмоқда ва ҳужумчи учун фақат 15 миллион евро беришга тайёр, чунки туринликлар «Атлетико»га унинг икки йиллик ижара учун аллақачон 20 миллион евро тўлаган.
Испаниялик ҳужумчи «Ювентус»га 2020 йилнинг сентябрида ўтган ва клуб унинг бир йиллик ижара шартномасини икки йилга узайтирган.
29 ёшли Мората жорий мавсумда 40 та ўйинда майдонга тушиб, 11 та гол урди ва 7 та голли узатмани амалга оширди.
