БМТнинг Қочқинлар бўйича агентлиги логотипи кейинги мавсумда "Барселона"нинг либосидан жой олади.
Каталония жамоаси матбуот хизмати хабарига кўра, келаси мавсумдан бошлаб "Барселона" либосида БМТнинг қочқинлар бўйича махсус идораси логотипи пайдо бўлади. Қайд этиш жоизки, худди шундай логотип "Барселона"нинг эркаклар ва аёллар жамоаларининг кейинги тўрт мавсум учун либосларида ҳам жойлаштирилади. Каталония жамоаси ҳам ҳар мавсумда БМТга тахминан 400 минг евро хайрия қилади.
Эслатиб ўтамиз, айни дамда "Барселона" Ла Лигада учинчи ўринда бормоқда.
