"Ливерпул"нинг собиқ ярим ҳимоячиси Майкл Оуэн "Ливерпуль" ҳужумчиси Муҳаммад Салоҳнинг шартнома ҳолати ҳақида гапирди.
"Агар Салоҳ "Ливерпуль" билан шартномасини узайтирмаса, ҳайрон қоламан. Муҳаммаднинг яна қандай имкониятлари бор? “Манчестер Сити” билан шартнома имзолаш ёки АПЛдан кетиш. Гап дунёнинг энг кучли клубларидан бири ва дунёнинг энг яхши футболчиларидан бири ҳақида бормоқда ва улар катта шартнома тузишни муҳокама қилишмоқда. Ўйлайманки, музокаралар бироз чўзилгани табиий", деди у.
29 ёшли мисрлик ушбу мавсумда "Ливерпуль" сафида 36 ўйинда 28 та гол урди ва 10 та голли узатмани амалга оширди. Унинг клуб билан шартномаси 2023 йилнинг 30 июнига қадар мўлжалланган.
