«Рубин» ярим ҳимоячиси Хвича Кварацхелия фаолиятини «Милан»да давом эттириши мумкин, деб хабар беради PianetaMilan.
Манбага кўра, миланликлар ёзда Анте Ребич жамоани тарк этса, футболчини унга ўринбосар сифатида кўрмоқда. «Милан» аввалроқ Хвичага қизиқиш билдирган ва «Рубин» 21 ёшли футболчи учун 30 миллион евро сўраган эди.
Кварацхелиянинг «Рубин» билан шартномаси 2024 йилнинг ёзига қадар амал қилади. 24 март куни «Динамо Батуми» футболчини ижарага олди. Жорий мавсумда ярим ҳимоячи РПЛда 19 та ўйин ўтказиб, 2 та гол ва 4 та голли узатмани амалга оширди.
