«Барселона» бош мураббийи Хави каталонияликлар Дортмунднинг «Боруссия» клуби ҳужумчиси Эрлинг Холанд билан келишувга эриша олмаса, «Ливерпуль» ҳужумчиси Муҳаммад Салоҳни қўлга киритишга уриниши мумкинлиги ҳақида гапирди.
RMC Sport нашрининг ёзишича, Хави Салоҳ 2017 йилда «Ливерпуль»га келганидан бери ўзининг профессионаллигини исботлашдан тўхтамаганини бир неча бор таъкидлаган ва Каталония клубига мисрликни олиб келиш кераклигини айтган.
Испания матбуоти Салоҳнинг гол уриш қобилияти Каталония клуби бошлиқларини ўзига тортаётгани ҳақида ёзмоқда.
Салоҳ жорий мавсумда «Ливерпуль» сафида барча турнирлар доирасида 36 та ўйинда майдонга тушиб, 28 та гол ва 10 та голли узатмани амалга оширди.
29 ёшли мисрлик футболчининг «қизиллар» билан шартномаси 2023 йилнинг ёзига қадар мўлжалланган, Трансфермаркт футболчининг трансфер бозоридаги нархини 100 млн еврога баҳолаган.
