«ПСЖ» ҳужумчиси Неймар ЖЧ-2022 саралаши доирасидаги Чилига (4:0) қарши ўйин олдидан бразилиялик мухлислар томонидан анча илиқ кутиб олинди.
Ўйин бошланишидан олдин Неймар Бразилия терма жамоасининг асосий таркибини таништириш чоғида стадионда унинг номи эълон қилингани пайти мухлисларнинг олқишига сазовор бўлди. Шунингдек, ўйин давомида мухлислар Неймар номини анча кўп тилга олишди.
Аввалроқ, «ПСЖ» мухлислари Лига 1 доирасидаги «Бордо»га қарши ўйинда бразилиялик футболчини ҳақорат қилишган эди.