Роберто Манчинининг онаси Донна Мариана Пуоло ўғлининг охирги лаҳзада Марио Балотеллини жамоага қўшиб олиш фикридан қайтганини хатоси деб ҳисоблайди. Аёлнинг фикрича, Италия Шимолий Македония билан ўйинда омадсизликка учраган, бироқ у йўл қўйилган аниқ хатоларни ҳам таъкидлаган.
"Бу омадсизликми? Албатта. Каттами? Жуда! Македония терма жамоамиз дарвозасига фақат бир марта зарба берди. Доннарумма, у қаерда эди? Менимча, британияликлар кеча жуда хурсанд бўлишди. Менимча, Балотеллини таклиф қилиш керак эди. У жисмонан ниҳоятда кучли ва уни дарвоза олдида ҳеч ким тўхтата олмайди", - дейди Мариана.
