Машҳур мураббий Фабио Капелло Италияда ҳакамлик фаолияти жиддий ўзгаришларга муҳтожлигини айтди.
"Италияда улар ҳар қандай алоқада ҳуштак чалиб, футбол контакт спорти эканлигини унутишади. А Серия ва Премьер-лига ўйинлари қандай ўтишини солиштиринг. Бизда интенсивлик ва ритм етишмайди, шунинг учун биз доимо халқаро миқёсда азоб чекамиз. Ҳар бир ўйинда 50 марта ўйинни тўхтатишни ва ҳар доим пенальти беришни бас қилинг", деди Капелло Il Messaggero. нашрига берган интервьюсида.
Эслатиб ўтамиз, пайшанба куни Италия терма жамоаси Қатарда бўлиб ўтадиган жаҳон чемпионати йўлланмаси учун плей-офф ярим финал учрашувида Шимолий Македония терма жамоасига (0:1) мағлуб бўлган эди.