"Челси"да бош мураббийлик вазифасини бажараётган Роберто ди Маттео Чемпионлар Лигаси ярим финали жавоб учрашуви ҳақидаги фикрларини билдириб ўтди.
"Ушбу ақл бовар қилмас ғалабага бир гуруҳ фантастик футболчиларнинг меҳнати эвазига эришдик. Кўпчилик бизни аллақачон ҳисобдан чиқариб ташлашга улгурганди. Устига-устак, биз бир киши кам бўлиб ўйнашимизни кутмагандик. Бу ўйин биз тасаввур қилганимизданда қийинроқ кечгани рост. Биз ҳаммага "Челси" нималарга қодир эканини кўрсатиб қўйдик".
"Терри? У жамоанинг ҳақиқий етакчиси. Ҳамма ҳам хато қилиши мумкин. Мен ундан ҳафа эмасман. Ҳаммамиз ҳам инсонмиз. Хато қилиш эса инсонга хос ҳислат", дея ди Маттео сўзларидан BBC иқтибос келтирмолқда.
