Хабарингиз бор, навбатдаги тур баҳсларигача юзага келган кичик танаффусдан фойдаланиб, Суперлига клублари бир қатор назорат-синов учрашувларини ташкил этдилар. Шу жумладан, Илҳом Мўминжонов бошчилигидаги "Нефтчи" жамоаси ҳам кеча Қиргулидаги қароргоҳ стадионида "Нефтчи"(U-21) ўринбосарларига қарши тўп сурди.
Қизиқарли ва курашларга бой ўтган мазкур беллашувда "Нефтчи"нинг асосий таркиб футболчилари йирик ҳисобда устунликка эришишди.
Назорат учрашуви
"Нефтчи"-"Нефтчи"(U-21) 6:1
Голлар: Марко Шарич, Шаҳзод Убайдуллаев, Абдуллоҳ Олимов, Ҳусниддин Ғофуров (2та), Анвар Ғофуров — Азамат Толибжонов.
Эслатиб ўтамиз, Суперлиганинг навбатдаги 4-тур баҳсини "Нефтчи" клуби Навоийда маҳаллий "Қизилқум" жамоасига қарши ўтказади.
