Велоспорт бўйича терма жамоамиз вакиласи Янина Кускова Тожикистонда ўтаётган қитъа биринчилигида навбатдаги олтин медалга сазовор бўлди. Бугун 23 ёшгача бўлган қизлар ўртасидаги алоҳида стартда спортчимиз энг яхши натижани қайд этди.

24 км масофага кечган пойгада Кускова ўртача 42,19 км/с тезлик намойиш қилди. Масофани эса 34:08.064 дақиқа ичида босиб ўтишга муваффақ бўлди. Иккинчи ва учинчи ўринлар Қозоғистон ҳамда БАА вакилаларига насиб этди.

Велоспорт бўйича Осиё чемпионати
Қизлар ўртасида (U-23) индивидуал старт

1. Янина Кускова (Ўзбекистон) – 34:08.064
2. Бота Батирбекова (Қозоғистон) – 36:40.339
3. Сафия Алсайеғ (БАА) – 37:02.743