«ПСЖ» раҳбарияти ва ҳимоячи Маркиньос шартнома имзолаш борасида бир фикрга кела олмаяпти, деб хабар беради Mundo Deportivo.
Манбанинг хабарига кўра, томонлар бир неча ой олдин янги шартнома шартлари бўйича иш бошлаган. Хабар қилинишича, бразилиялик футболчи шартномасини 2026 ёки 2027 йилгача узайтирмоқчи. 27 ёшли Маркиньос «ПСЖ»да бахтли, унга клубдаги муҳит ёқади, бироқ томонлар футболчининг молиявий истаклари туфайли шартнома борасида келиша олмаяпти.
Маркиньос жорий мавсумда «ПСЖ» сафида барча мусобақаларда 32 та ўйинда майдонга тушиб, 3 та гол ва битта голли узатмани амалга оширди. Бразилиялик футболчининг шартномаси 2024 йилнинг ёзида якунига этади.
