Франциянинг "Лилль" клуби ҳимоячиси Свен Ботман "Милан" билан шахсий шартнома борасида келишиб олди. Бу ҳақда журналист Николо Скира хабар бермоқда.

Манбанинг хабарига кўра, 22 ёшли голландиялик футболчи уч миллион евро йиллик маош ишлаб олиши ва беш йиллик шартнома имзолаши кутилмоқда.

Шунингдек, футболчи турли хил бонусларга эга бўлади. Қолаверса, миланликлар яқин ҳафталар ичида ҳимоячининг трансфери бўйича "Лилль" билан келишиб олишини таъкидлади.

Олдинроқ "Лилль" Ботман учун тахминан 40 миллион евро талаб қилаётгани хабар қилинганди. Transfermarkt порталининг хабарига кўра, футболчининг трансфер қиймати 30 миллион еврони ташкил қилади.

Ҳимоячи жорий мавсумда Лига 1да 21 та ўйинда майдонга тушиб, 3 та гол ва 1 та голли узатмани амалга оширди. Ботманнинг "Лилль" билан шартномаси 2025 йилнинг 30 июнига қадар амал қилади.