«Фиорентина» ёзда «Манчестер Юнайтед» ҳимоячиси Диого Далотни сотиб олиши мумкин.
Football Italia хабарига кўра, «бинафшаранглар» «Реал» футболчиси Альваро Одриосолани қўлга кирита олмаган тақдирдагина ушбу трансферга бор эътиборларини қаратишлари мумкин.
Ральф Рангникнинг «Манчестер Юнайтед»га келиши билан 23 ёшли Далот кўпчилик учун кутилмаганда асосий таркиб футболчисига айланди. «Қизил иблислар»нинг вақтинчалик мураббийи Аарон Ван-Биссакадан кўра кўпроқ португалияликни кўпроқ майдонга туширишни афзал кўрмоқда.
Жорий мавсумда Далот Премьер-лигада 16 та ўйин ўтказди ва бирорта ҳам гол ура олмади. Сўнгги пайтларда футболчига Италиянинг бошқа бир клуби - «Рома» ҳам қизиқиш билдираётгани ҳақида хабарлар тарқалди.
