«Ювентус» «Барселона» ҳужумчиси Мемфис Депайга яна қизиқиш билдирмоқда, деб хабар беради Mundo Deportivo.
«Бянконерлар» Депайни «Лион» билан шартномаси тугаганидан кейин, ёзда текинга қўлга киритмоқчи эди, аммо кейин футболчи «Барселона»ни танлаганди.
Каталония клубига Обамеянг келиши билан Депай захира футболчисига айланди ва ҳужумчи клубини ўзгартириш ҳақида ўйлаётганини бир неча бор таъкидлади.
Бу «Ювентус»га яна бир бор 28 ёшли футболчининг трансферига эътибор қаратишга асос бўлди.
Жорий мавсумда Депай Ла Лигада 20 та ўйин ўтказиб, 10 та гол урди ва 2 та голли узатмани амалга оширди.
