Португалия терма жамоаси ҳужумчиси Криштиану Роналду фаолиятини якунлаши ҳақидаги саволга муносабат билдирди ва ЖЧ-2022 йўлланмаси учун Шимолий Македонияга қарши бўлиб ўтадиган бўлажак финал плей-офф ўйини муҳимлигини таъкидлади.
«Мен кўп одамлар бир хил савол беришаётганини пайқаяпман. Шундай экан, келажагим ҳақида қарорни ўзим қабул қиламан. Агар ўйнашни давом эттирмоқчи бўлсам, ўйнайман. Мен раҳбарман!
Биз ҳаёт-мамот ўйинини кутяпмиз. Португалияликларга мурожаат қиламан: мен сизнинг қўллаб-қувватлаганингиз учун миннатдорман ва эртага ҳам шундай бўлишига умид қиламан», - деди Роналду матбуот анжуманида.
