«Арсенал» ва «Атлетико» «Интер» ҳужумчиси Лаутаро Мартинесни қўлга киритиш учун курашади, деб хабар беради Calciomercato нашри.
24 ёшли форвард ўтган йилнинг октабр ойида «нерадзуррилар» билан 2026 йилгача мўлжалланган янги шартнома имзолаган эди, бироқ Италия чемпионлари ёзда 70 миллион евро ёки ундан кўпроқ таклиф тушса, аргентиналикни қўйиб юборишга тайёр.
Манбага кўра, Лондон клуби Мартинеснинг агентига биринчи қўнғироқ қилган, аммо «Атлетико» унга ҳам қизиқиш билдирмоқда.
Аввалроқ Лаутарога АПЛнинг бошқа клубидан қизиқиш бўлаётгани ҳақида маълумотлар пайдо бўлганди.
