Каталониянинг «Барселона» клуби ўтган йилнинг ёзида келиб қўшилган Мемфис Депай билан шартномани узайтирмоқчи.
El Mundo Deportivo нашрининг тарқатган маълумотига қараганда, музокаралар мавсум якунига етгач олиб борилиши кутилмоқда.
Муаммо фақат футболчининг маоши билан юзага келиши мумкин. Футболчи қанча маош талаб қилиши ҳозирча номаълум, лекин шу нарса аниқки, янги шартномага кўра, футболчига ҳозирги маошидан кам маблағ таклиф этилади. Агар Мемфис бунга рози бўлса "Барселона" музокара олиб бормоқчи, аксинча бўлса - футболчини сотмоқчи.
