Россиялик таниқли футбол инсайдери Нобель Арустамян УЕФА ҳомийлигидаги турнирларда жамоалар ва терма жамоага босим ўтказмаслик учун РФИ нима қилиши мумкинлиги ҳақида гапирди.
«Эҳтимол дисквалификация қилинган тақдирда, жазо муддати тугагандан сўнг РФИ УЕФАдан Осиё Конфедерациясига ўтиши мумкин», - деб ёзди Арустамян ўзининг телеграмдаги расмий каналида.
Арустамяннинг қайд этишича, бу вазиятни бироз юмшатади, чунки Европа клублари ва жамоалари яқин йиллар ичида бизнинг жамоалар билан ўйнашни исташлари даргумон.
Мисол тариқасида Нобель Арустамян Осиёдаги босим туфайли «осиёлик»дан «европалик»га ўзгартиришга мажбур бўлган Исроилни келтирди.
