«ПСЖ» ҳимоячиси Тило Керер клуб раҳбариятига 2023 йилгача мўлжалланган шартномани узайтирмаслигини айтди.
Футболчи кам ўйин амалиётига эга бўлаётганидан норози, шу боис шартнома якунлангач, жамоани тарк этмоқчи.
Франция матбуотининг ёзишича, «ПСЖ» футболчини сақлаб қолмоқчи, бироқ Керернинг ўзи аллақачон қарор қабул қилган ва уни ўзгартирмоқчи эмас.
Эслатиб ўтамиз, Керер «ПСЖ»га 2018 йилнинг ёзида «Шальке»дан келиб қўшилган эди. Немис футболчисини клубга таклиф этишнинг асосий ташаббускорларидан бири парижликларнинг ўша пайтдаги бош мураббийи, ҳозирда Лондоннинг «Челси» клубида фаолият юритаётган Томас Тухель эди.
