"Лейпциг" ҳужумчиси Кристофер Нкунку "Бавария"га ўтиши мумкин. Бу ҳақда Sport1.de хабар берди.
Манбага кўра, мюнхенликлар ҳозирда Серж Гнабри йилига 15 миллион евро маош сўраётганлиги сабабли Нкунку трансферини ўрганиб чиқмоқда.
Кристофернинг трансфери 70 млн еврога баҳоланмоқда. Агар "Бавария" Гнабри билан янги шартнома борасида келишмаса, у сотувга қўйилади.
Нкункунинг "буқалар" билан амалдаги шартномаси 2024 йилда якунига этади.
24 ёшли вингер "ПСЖ" тарбияланувчиси ҳисобланади. У 2019 йилнинг ёзида Франция жамоасидан 13 миллион евро эвазига “Лейпциг”га ўтган эди. Жорий мавсумда франциялик футболчи Германия Бундеслигасида 27 та ўйинда 15 та гол урди ва 9 та голли узатмани амалга оширди.
