Роберт Левандовскининг "Барселона" билан келишуви йўқ.

Goal.com ва Spox хабарларига кўра, "Бавария" ҳужумчиси фаолиятини қаерда давом эттириши ҳақида ҳали бир қарорга келмаган. У "Барса" билан шартнома борасида ҳозирча келиша олмади.

Польякнинг "Бавария" билан шартномаси 2023 йилнинг ёзига қадар амал қилади ва клуб у билан ҳамкорликни давом эттириш борасида келишиб олишга умид қилмоқда. Шунга қарамай мюнхенликлар ҳали Левандовски билан музокараларни бошламаган.

Қайд этилишича, асосий тўсиқ йилига 25 миллион евро оладиган ҳужумчининг маоши бўлиб қолмоқда.

33 ёшли ҳужумчи жорий мавсум “Бавария” сафида 37 та ўйинда майдонга тушиб, 45 та гол урди.