"Бавария" "Лейпциг" қанот ҳужумчиси Кристофер Нкункуни сотиб олишдан бош тортиши мумкин, дея хабар беради журналист Кристиан Фальк.
Манбага кўра, "Бавария" футболчи учун "Лейпциг" сўраётган нархдан қониқмаяпти. Хабар қилинишича, француз учун "буқалар" камида 60 миллион евро сўрамоқда. Нкункунинг клуб билан шартномасида товон пули банди йўқ.
Маълумотларга кўра, футболчига "Манчестер Сити", "Манчестер Юнайтед" ва "ПСЖ" клублари ҳам қизиқиш билдирмоқда.
Жорий мавсумда Нкунку “Лейпциг” сафида 36 та ўйинда майдонга тушиб, 25 та гол урди ва 10 та голли узатмани амалга оширди.
