«Барселона» президенти Жоан Лапорта Усмон Дембеленинг келажаги ҳақида гапирди.
“Менга Дембеле жуда ёқади, у ажойиб футболчи. Биз унга 20 декабргача мўлжалланган шартнома таклиф қилдик. Агар у қолишни истаса, маошини қисқартириш шартларига рози бўлиши керак.
Биз Дембеле ва унинг агенти билан нима бўлишини ҳеч қачон билмаймиз», - деди Лапорта RAC1 порталига.
Эслатиб ўтамиз, «кўк-анорранглилар» вингери билан шартномаси мавсум охирида якунига этади.
24 ёшли француз жорий мавсумда барча турнирларда 21 та ўйинда майдонга тушиб, 2 та гол урди ва 9 та голли узатмани амалга оширди.
