Англия терма жамоасининг собиқ ҳужумчиси Даррен Бент Деле Аллининг спорт формаси ҳақида фикр билдирди. «Эвертон» футболчиси асосий таркибдан жой ололмаяпти.

«Ўйлайманки, «Эвертон»нинг Чемпионшипдаги ўйинлари уни ҳаётга қайтаради. Бу бошқа ўйин. Айни пайтда жамоага янги бош мураббий ҳам керак”, - деди Бент.

Деле Алли «Эвертон»га 2022 йилнинг январида келиб қўшилган. Футболчи жорий мавсумда Премьер-лигада 16 ўйин ўтказиб, битта гол урган.

«Эвертон» 27 ўйиндан сўнг турнир жадвалида 17-ўринни эгаллаб турибди. Жамоа Чемпионшипга йўл оладиган жамоалардан уч очко олдинда турибди.