"Лейпциг" ярим ҳимоячиси Кристофер Нкунку ёзда "ПСЖ"га қайтиши мумкин. Адриен Грениернинг сўзларига кўра, агар жамоани Зинедин Зидан бошқарадиган бўлса, Париж клуби ўз шогирдини қайтаришни истайди.
Қайд этилишича, Зидан Нкункунинг жорий мавсумдаги ўйинларига қойил қолган ва унинг раҳбариятга қўядиган асосий талабларидан бири франциялик футболчининг “Парк де Пренс”га қайтиши бўлади. Футболчининг трансферига "ПСЖ"дан ташқари "Бавария" ҳам қизиқмоқда, бироқ немислар "Лейпциг" талаб қиладиган суммани тўлашга тайёр эмас.
Нкунку бу мавсумда "буқалар" сафида 26 та гол урди ва 12 та голли узатмани амалга оширди. Футболчи "Лейпциг"га 2019 йилнинг ёзида "ПСЖ"дан келиб қўшилган эди.
