"Ювентус"нинг афсонавий футболчиларидан бири Жанлуижи Буффон Дель Пьеронинг 10-рақамини сўради.
Буффон узоқ йиллардан буён Александро Дель Пьеро билан бирга тўп сурмоқда. Агар Дель Пьеро ёзда чиндан ҳам клубни тарк этадиган бўлса, Буффон унинг рақамини ўзига беришларини илтимос қилди. "Агар Дель Пьеро "Юве"дан кетадиган бўлса, мен унинг рақамини ўзимга олмоқчиман" деди тажрибали дарвозабон. Шунингдек, унинг фикрига кўра, Турин клуби бу йил Италия чемпиони бўлади. Клуб ҳозирда "Милан"дан 3 очко кўп жамғарган ҳолда, "А" серияда етакчилик қилмоқда.
Шуни қўшимча қилиш маълумки, футбол тарихида ҳали ҳеч бир дарвозабон 10-рақамда тўп сурмаган. Чунки бу рақам одатда ҳужумчиларга тегишли бўлади.
